آيتان & آرزولار

من سنه ويرسام اگر بير اسمس شاد الرم
اورگيمد سوزوم اولسا سنه دايورد الرم
اورگيم سوزلريني من سنه فرياد الرم
سني من عشقيمينن ياد و نگهدار الرم

شنليك اولسون بو گئجه كامانچاينان , تارينان

هامي چاليب اويناسين يولداشينان , يارينان

چيله نيز موبارك

آنام

مير مهدي اعتماد

 نقل ائده رلر كي مني دوغدو آنام

دئدي : به به نه گؤزه لدير بو بالام

دولانيب باشيما پروانه كيمي

چكيب آغوشونا ، دردانه كيمي

سود ايله قووه وئريبدير اتيمه

دؤزوب ايللر بويو چوخ زحمتيمه

دئييب آهنگله لاي- لاي سؤزونو

يومماييب چوخ گئجه اصلا گؤزونو

آغلايان واختدا چكيبدير يانينا

سؤيله ييب آغلاما قوربان جانينا

اؤيره ديب حؤرمت ايله يولداشينا

غربتده كيلره
بورونوبدور قوجا سهند آغ دونا

ائليم آد وئريب آغ ساچ آنا

بو يانسادا مرد سينه سي آل قانا

تالانسا دا ياد اليله باهاري

سارسيلماميش ذرّه قدر ووقاري

قوجاغيندا ياتيب ايگيد آسلاني

قولو باغلي،دوغما يوردو زينداني

ديلي باغلي،قلبي دولو عصياني

هاوا آغير،هر بير طرف قارانليق

ايلديريم لار پاريلدايير بير آنليق

آنا داغين فيكري،ذيكري شيرده دير

كينلي گؤزو سورتولن زنجيرده دير

باخيشلاري گاه گؤيده،گاه يرده دير

دونيالارا گاه دا يايير فريادين

چاغيريراؤز ايتگين گئدن اوولادين



گلين،دئيير،منيم گؤزوم سيزده دير

بيلميرم كي،اورييز تبريزده دير

نجات يولو يادلاردا يوخ،بيز ده دير

گرك زنجير اؤز اليزه قيريلسين

اؤز اليزله بو ائل،اوبا ديريلسين

ياد بو شيرين آچا بيلمز قفسين،

آسلان آنجاق "داغا سالار نفسين"

داغ قايتاريب،گؤيه سالار بو سسين:

بوردا بير شير داردا قاليب باغيرير

ايتگين گئدن اوغوللارين چاغيرير.

داغ اوستونه داغي قويان ائل اولار،

بولاقلارين سويو آخار،سئل اولار،

تك-تك آهلار قوشولارسا،يئل اولار

گلين!-دئيير:-گلين،قيراق زنجيري

آزاد ائدك اؤز ائوينده بو شيري

اي وطن چين يوخو گؤرمز بَبَكلر

وطن دئييب،هئي چيرپينان اؤركلر

بو سؤزلري سيزه دئسين كؤلكلر

سعادت چين نه گزيرسيز اوزاغي

گلين،گزين ايتيرديگيز تورپاغي



باكي- 15/3/1962 (25-12-1341)

منيم كي دير

بو وطن عشقيله جوشور اورگيم ،

طبيعت قوينوندا گول منيم كي دير .

داغلار سينه سينده مسكن لر سلام

اوبا منيم كي دير ، ائل منيم كي دير .

من داغلار اوغلويام ائل عاشيقي يم ،

شيدا بولبول كيمي گول عاشيقي يم ،

آذر اولكه سينين بيل عاشيقي يم ،

چايلار دا سسله نن سئل منيم كي دير .

زامان گلر بولبول چيخار قفسدن ،

دردين آليم عاشيق دوشمه هوسدن ،

آرالي گزگين بيج دن ناكس دن ،

دونيا دا بيرينجي ديل منيم كي دير .

ائوليلي عباسام آذربايجانيم ،

سنين شرفينله قاينايير قانيم ،

اگر اوغوروندا گئتسه ده جانيم ،

اوندا بيل باغلانان ال منيم كي دير .

شاعر : آشيق عباس حضرتي (ائوليلي)

كيتاب : اوخو منيم درديمي

انتشارات نباتي

يازار : علي وقاري ( آيتان )

اوسته

باشينا دولانيم آي نازلي جئيران

قاشلارين كاماندي گوزلرين اوسته ،

جماليني گوروب اولموشام حئيران ،

اوزومو سؤيكه ييم اوزلرين اوسته .

گئجه ني صبحه دك ياتا بيلميرم ،

فيكريني باشيمدان آتا بيلميرم ،

گليرم دالينجا چاتا بيلميرم ،

من قدم قويورام ايزلرين اوسته .

آلا گوزلو سنين بويون بسته دي ،

ائوليلي عباس دا يارسيز خسته دي،

ايندي درمانيني سندن ايسته دي ،

بيرجه باشيم قويوم ديزلرين اوسته .

شاعر : آشيق عباس حضرتي (ائوليلي)

كيتاب : اوخو منيم درديمي

انتشارات نباتي

يازار : علي وقاري ( آيتان )

قالدي

آدام واردي ضربيندن تيتره دي داغلار،

آخير سيندي اوخو كماندا قالدي .

فلك ووردو اوجا داغلار ييخيلدي،

توزو تاريخ لرده زاماندا قالدي .

كيميسي دونيادان يوخ اولدي گئتدي ،

كيمي نين قسمتي چوخ اولدي گئتدي ،

كيمي آج ، كيميسي توخ اولدي گئتدي ،

چوخدا چيسگينده دوماندا قالدي .

آدام واردي دانيشديرسان غملي دي ،

آدام واردي گئجه گوندوز دملي دي ،

« ائوليلي عباسين » گوزو نملي دي ،

گدا دا سلطان دا آماندا قالدي 

شاعر : آشيق عباس حضرتي (ائوليلي)

كيتاب : اوخو منيم درديمي

انتشارات نباتي

يازار : علي وقاري ( آيتان )

 .

آهو باخيشينلا آلدين جانيمي

من سيزه گليرم بيزه سنده گل

كؤنلوم آرزولايير سني هر زمان

اگر مئيلين اولسا بيزه گونده گل

بو دونيايا گلن آخير گئدندي ،

انتظار قويماغين مني ندندي ؟!

يقين بيزه باعيث اولان دده ندي

شهردن باش گؤتور بيزيم كنده گل

بولبول جهجه وورار گول بوتاغيندا

آري شيره چكر گول دوداغيندا

« ائوليلي عباسين » غملي چاغيندا

خلوتي ايسته سن دومان چنده گل

شاعر : آشيق عباس حضرتي ائوليلي

كيتاب : اوخو منيم درديمي

انتشارات نباتي

يازار : علي وقاري

محتسب مستي به ره ديد و گريبانش گرفت

گفت اي دوست اين پيراهن است افسار نيست

گفت مستي زان سبب افتان و خيزان مي روي

گفت جرم راه رفتن نيست ره هموار نيست

گفت مي بايد تو را تا خانه ي قاضي برم

گفت رو سول آي قاضي نيمه شب بيدار نيست

گفت تا داروغه را گوييم  در مسجد بخواب

گفت مسجد خوابگاه مردم بد كار نيست

گفت ديناري بده پنهان و خود را وا رهان 

گفت كار شرع كار درهم و دينار نيست

گفت آنقدر مستي زهي از سر بيفتادت كلاه

گفت در سر عقل بايد بي كلاهي عار نيست

گفت بايد حد زنند هوشار مردم مست را

گفت هوشياري بيار اين جا كسي هوشيار نيست

فيكير لرين قاپي سي اوزگه لره آچيليب
كولتوروموز يوللاري اوزوموزه باغلانيب
قلم لرين يازقي سي اوزگه لري اوجالدير
چاپا سالماق ساحه سين اوزگه بيزه باغلادير
اوبالارين ايچينده دائم سوزون ديلله دير
آنالارين ديللرين اللرين نن هلله دير
سوچوموز ساخلاديب دي بيزي آزقين اولماقدا
تانري يولي باغلاماز شيطانلارا سينماق دا
شيطانلارين وارليقي سينديرماقا آپارير
طاغوت لاردان تانري ليق بنده لره يارادير
بير تانريا بنده لر شيطانلارا سينماز لار
كيمليك لرين بيلن لر اوزگه يه قول اولمازلار
انساني اويره ديب دي تانري يازقي يولوينان
بيلمه ديگي زادلاري يازقي لارين واري نان
آنا ديلين باغلادان باغلير اويرنماق يولون
كرامتي باغلاديب آچير ضلالت يولون
حريمي ساخلاماديق بئله گونه قالميشيق
تعصبي كورلاديق اوزگه لره سينميشيق
تعصبون آنلامين خيرداديللار بيزلره
خيردا خيردا زاد لاردا پار لاديللار بيز لره
اصيل تعصب واري كولتور اوچون اولاندي
كولتوري ساخلادانلار كرامت ساخلاداندي
كولتورلرين حريمين تعصب ساخلاداندي
تعصب لي ايگيد لر مايالارين قوياندي
ايگيد لر اوز وارليقين فدا ائد سه قالاندي
وارليق لارين باغيندا او تانري نان اولاندي
فيكر ائدميون شهيد لر ئولي اولموش اولاندي
تانري دئيير مني نن زومارلارين آلاندي
حريمي ساخلاماق ليق سويلارا يازيلاندي
حريمي سينديرانلار اوزلريني ساتان دي
نوه لري بونلارين اوزلريني داناجاق
آييري ديلي توتماقدا كوك لرين نن قيراجاق

" احمديه "

يالان دونيا

چوخ اويونلار سنه يارار

يالان دؤنيا دئييل ميسن؟

دون بوْشاليب بو گؤن تكرار

دوْلان دؤنيا دئييل ميسن؟

دَيير مانسان اينسانلارا

قييارسان دادلي جانلارا

اجل بومباسين خانلارا

چالان دونيا دئييل ميسن؟

آتش اوجاغين قوراندا

آجيق تكمه سين ووراندا

قهرمانلاري يوراندا

گولن دونيا دئييل ميسن؟

دده كاتيبين سسينه

چولقالادين غم سيسينه

سوندا اؤلوم قفسينه

سالان دونيا دئييلميسن؟

اي وطــن تورپــاغي،‌ آمـــــانات ســـاخلا

بيز سنه تاپشــيرديق دده كاتيبــي

اؤزقوينــــوناباســيب چوخ راحات سـاخلا

وطــنه تاپشــيرديق دده كــــاتيبـي

قـــــــورآن اللـــرده يـــدي اوزلــر آللاهــــا

سينه لر دولمــوشدو كـدره، آهـــــا

امداديـــــنا چــــــــاتار حضرت طــــــاهـــا

ياسينه تاپشـيرديق دده كـاتيبـــي

گـــلن چاغـــيريردي بــير تك آللاهــــــي

سسله ييردي محمدرسول اللهي

باغيشـــلانار هاچان اولســـا گــــوناهي

آمينـــــه تاپشيرديق دده كــاتيبـي

وفـــــاتـين ائشــــيدن اوركـــدن يانـــــيب

سؤزلرين ائشيدن اؤيودور سانيـــب

آفــــرين-مرحـــــبا سســـــي قووزانـــيب

تحسينه تاپشيرديق دده كــاتيـبـي

ايكي گــــون كئچميشدي بايرام آييندان

بـير ائــل محروم اولدو دده پايينـدان

***ن يئدينجي ايل گونش ساييندان

حـققينه تاپشيرديق دده كــــاتيبي

بهرام اسدي(اورمو شاعيري)

غربت يِرده پَرَه پردن كيم اُليب

امام باغين بِكيف مُلكين كيم گوريب

اِيل غمينين داشقاپوني كيم بوليب

اولاربيزيم اوشاخليخ ئولكه ميزدي

پَرَه پَرده بيزيم مَحلّه َ  ميزدي