آيتان & آرزولار

 

اوسته

باشينا دولانيم آي نازلي جئيران

قاشلارين كاماندي گوزلرين اوسته ،

جماليني گوروب اولموشام حئيران ،

اوزومو سؤيكه ييم اوزلرين اوسته .

 

گئجه ني صبحه دك ياتا بيلميرم ،

فيكريني باشيمدان آتا بيلميرم ،

گليرم دالينجا چاتا بيلميرم ،

من قدم قويورام ايزلرين اوسته .

 

آلا گوزلو سنين بويون بسته دي ،

ائوليلي عباس دا يارسيز خسته دي،

ايندي درمانيني سندن ايسته دي ،

بيرجه باشيم قويوم ديزلرين اوسته .

 

شاعر : آشيق عباس حضرتي (ائوليلي)

كيتاب : اوخو منيم درديمي

انتشارات نباتي

يازار : علي وقاري ( آيتان )