دده قورقود ناغيل لاري
یازار : علي وقاري
+0 به يه ن
ديرسه خان اوغلو بوغاج خان
قام خان اوغلو « بايندر خان » دستور ويرميشدي اوچ اوطاق تيكميشديلر . بيري آق اوطاقيدي ، بيري قيزيل اوطاقيدي ، بيري قارا اوطاقيدي . اوغلو اولاني آق اوطاقا گونده ريب ، قيز اولاني قيزيل اوطاقا ، اولادي اولمياني قارا اوطاقا . اوزيده دئييردي : اولادي اولميياني آللاه قارغايبدير ، بيزده گره ك اونو قارغاييره ك . بير گون « ديرسه خان » قيرخ ايگيديله باهم « بايندر خان » ا ، قوناق اولوب چون اولادي يوخدور اونو قارا اوطاقا گونده ريبلر « ديرسه خان » چوخ ناراحات اولوب اؤز اؤلكه سينه ساري دونوب موضونو قادينينه سويله ييب . قاديني اونا دئييب نئچه ده وه ، نئچه قويون ، نئچه اوكوز ، كه س پايلا ! يلكه آللاه بيزيم بختيميزي آچسين . « ديرسه خان » بو ايش له ري گوروب خاتون حامله اولوب بير اوغلو اولوب . اوغلان بير گون اوچ اوشاقيلا باهم اويناييردي بير بوغا كي سراي دان قاچميشدي بونلارا جمله گه تيردي يولداشلاري اوچوده قاچدي آمما ديرسه خانين اوغلو داياندي اوكوزون باشيندان بير يومروق ووروب اوكوزون باشي شوشه قاب تكين تيكه تيكه اولدو پيچاقين چه كيب باشين كه سدي بو سوزي اوغوز بگ له ري ائشيديب دده قورقورد گه ليب شادليق چاليب ، اونا آد قويوب ، اونون آدي « بوغاج خان » اولدو . ديرسه خان اوغلونا بگ ليق وئردي . ديرسه خانين قيرخ ايگيدي حسد ائديبلر اودور كي بولوشوبلر ايگرمي نفري گئديب ديرسه خانا « بوغاج خان » ي پيس له ييب ها بئله او بيريسي ايگرمي نفر گه ليبلر « بوغاج خان » ي ديرسه خانا پيس له ييبلر . بير گون چوله چيخيبلر ديرسه خانين آداملاري اونا دئديلر « بوغاج » سني اولدوره جك اودوركي ديرسه خان اوز اوغلونا بير اوخ ووردي « بوغاج » چولده قاليب ائوه چونوبلر و آمما « بوغاج » يارالي كن يئره يئخيلدي حضرت خضر (ع) گه لدي اونون ياراسين ياغلادي هر سوزو اونا دئدي « بوغاج » ي آناسي چولده ن گه تيريب حضرت خضر (ع) دئديگلرين يئرينه يئتيريب اوغلان قيرخ گونده ن سونرا توخدادي آمما ديرسه خانين آداملاري ديرسه خاني نقشه ايله توتوب قوللاريني باغلاييب دوستاقا سالديلار ديرسه خا ين خاتونو گه ليب اوغلو « بوغاج » ي بو موضودان خبردار ايله ييب « بوغاج » گئديب اونلارين قيرخين ده اولدورب آتاسين قورتاريب دده قورقورد گه ليب شادليق چاليب بونو يازيب .