تئزه گون تئزه ايل
یازار : علي وقاري
+0 به يه ن
تئزه گون تئزه ايل تئزه باشلانيش گول گووا گور نئجه اولوب يارانيش تئزه سوز تئزه پاي تئزه ايز گورسه نير بير يئرده طبيعت وبيز خاطره شخته دن دوننان قاليب دي آغري لار يئري ني سئوينج آليب دي آخيمين مظرابي وارليق تئلينده طبيعت گورسه نير شانليك يئرينده قوزانير شوخوم نان قارا توپراقدان سالديرير چيچكي تئزه گول واردان وارلقي ساخلاماق باشين قوزادير دئيريليك هوسي اوستون ساخلادير طبيعت اويره دير نئجه قالماقي نوروز لار بيلله دير نئجه اولماقي شخته دن قورتولوش باهارلاردا دير قالديريش باهاردا وارليق لار دا دير توخوم لار وارليقي قالديرماق ايستير آييق ليق يئريشين سالدير ماق ايستير ياتان لار قالاجاق قوخا توپراقدا داغيلا محو اولا ايته توپراقدا اوستونلوك گتيرير نوروز مللته سون قويور اوستونلوك هاممي ذللته تئزه گون تئزه پاي اراده ايستير توپراقدان قاجلارا قالخيشي دئيير باهارين گوللري نغمه سئوديرير نغمه لر روحلارا شانليكي وئرير خوش گليب تئزه گون آييق اولانا وارلانماق وئرديرير پايين آلانا توپراقدا بو گوني تانير بارلانير طبيعت رايحه توپراق دان آ لير قار لارين سولاري آخيم ساليري آخيم لار وارليقين سازين چاليري حيات لار ماياسي خوش نداسي وار شور شورا بقاسي سازي تئلي وار